Plum's Baking Studio

Saturday, September 30, 2006

義美蜂蜜蛋糕零失敗之迷
















淨睇面頭好似無乜事, 但請睇埋下面果張就知......
















焗完出嚟成個模底變咗黑色, 仲要點洗都無辦法洗得甩, 最慘係成個蛋糕唔要得, 因為唔知點解個蛋糕焗完出嚟有陣酸味, 仲要係澀眼果隻, 就連平日自稱垃圾桶嘅蝦子餅食咗一啖都忍唔住即時"nur"番出嚟, 所以我決定會拎個模返去果間舖度同佢地理論!! 欲知後事如何, 請看下回分解.....

Friday, September 29, 2006

麵包課第十堂(終極篇)
















原本最後一堂係整造型麵包, 之但係阿sir話造型麵包淨係玩吓就得, 如果諗住食嘅就唔好啦, 因為個包係好硬嫁, 所以我地一班同學最後決定淨係焗午餐肉包, 起碼呢個包可以放得入口呀嗎!!
















小許試範嘅牛油曲奇, 既鬆脆, 又好味!!
















范sir即場試範嘅Pizza, 淨係得個樣, 其實又乾又硬, 真的很難吃!!

Monday, September 25, 2006

大壞蛋事件
















原本諗住用雪柜裡面剩餘嘅8隻雞蛋嚟整"義美"蜂蜜蛋糕, 點知D蛋唔生性, 開8隻有6隻已經壞咗, 可惡呀, 你地呢班正一大壞"蛋"呀, 攪到我整唔到蜂蜜蛋糕, 點算好呢, 最後唯有用果兩隻好蛋整咗呢個海綿蛋糕仔啦, 出爐啦!! 點知丘生走埋嚟講咗句:咦, 隻馬騮仔幾得意喎!! 吓, 唔係呱, 咁都睇唔出果隻係Bear Bear, 唔係呀化??(~o~)

Sunday, September 24, 2006

期待已久的聚會
















冰雪聰明而又有內"涵"嘅冰皮月餅!!
















迫到無晒位, 攪到面容扭曲嘅菠蘿义燒包, 慘慘!!!
















我最鐘意食嘅咖哩牛肉包, 夠晒辣, 啱晒我!
















成個蘋果咁, 唔駛講都知係蘋果包(湯種)啦!
















好味又易整嘅Mrs. Field Cookies!

今日成班嘩鬼上咗八八屋企開"檀"作法, 攪到佢成間屋七角咁亂, 幸好一班嘩鬼非常齊心, 合力泡製出五樣美食之後就快手清潔現場, 最重要係多得八八嘅老公諸事丁幫手清洗所有器皿工具, 真係萬分感激, 時間真係過得好快, 離開時已經是晚上6時多點, 大家都懷著依依不捨嘅心情, 期待下一次嘅聚會可以快點來臨!!

Friday, September 22, 2006

麵包課第九堂之芋頭包 & 飛碟包
















點解見唔到D芋頭包同埋飛碟包嘅, 原因係我唔想等到咁夜至放學, 所以咪淨係攞咗呢個磨菇雞包囉, 而呢個包仲要係上一堂整唔成, 今堂補番比我地嫁咋, 不過有得補番都好過冇, 為免再有同類事件發生, 今次呢個雞包唔再落咖哩粉啦, 大家可以放心! 上呢個班上到悶死人啦, 快D完就好啦!!

Thursday, September 21, 2006

朱古力花球
















好難整呀! 整到我頭都大晒呀, 整完之後我變咗個大頭仔呀, 希望下次再整會整得好D啦! 上堂嘅時候發現幾位網上餅友, 佢地都玩得好開心, 而且個個都係靚女一族, 人又靚, 整野又叻, 真係羨慕死人囉!^0^

Friday, September 15, 2006

麵包課第八堂之炸蛋球 & donut
















酒樓成日見到嘅沙翁, 咪就係呢D囉, 好易整嫁咋, 不過用油炸就唔係咁健康, 小食為妙!
















整唔到咖哩雞包, 唯有改整donut啦, 真失望!

Monday, September 11, 2006

食得落肚嘅大鼻鋼牙
















實在太鐘意呢兩隻野啦, 一見到佢地嘅曲奇模, 立即飛撲埋去買, 點知後尾發現買貴咗, 有D唔開心添, 不過算啦, 鬼叫自己衝動咩, 心頭好呀嗎, 無計啦!!

Friday, September 08, 2006

麵包課第七堂之火腿蔥包 & 墨西哥包
















食一個都飽晒嘅火腿蔥包, 你都整番個呢(^0^)
















名附其實嘅孖寶兄弟, 睇真D似Kerropi果對眼多D喎!!

Saturday, September 02, 2006

"餅"林大會

一直以嚟都好想學整月餅, 义燒包同埋壽包, 事關月餅可以用嚟送禮, 义燒包又係我嘅至愛, 壽包又夠得意, 所以今次嘅聚會我舉腳支持! 哈哈!!
















想食咩? 等吓先啦, 事關要等佢回油至好味嫁!!
















大壽包包住D細嘅細壽包响裡面, 好得意呀, 下次有人生日可以多個選擇, 唔駛成日整蛋糕啦!






























我至愛嘅义燒包呀, 一出爐就比我地一人掃走幾隻, 食完都唔覺滯, 事關阿堅沖咗壺靚茶比我地飲, 好正呀!!

P.S. 特別鳴謝兩位主人家嘅熱情款待!!

Friday, September 01, 2006

麵包課第六堂之牛油千層 & 號角包












































牛油千層係好好食, 不過都有名比你叫啦, "牛油千層"呀嗎, 咪即係用千層嘅牛油嚟整囉, 好肥嫁!!
















阿sir攞咗D佢响酒店整嘅西式包請我地食, 有好多款式, 我個人最喜歡係香草薯仔包, 好香好好食呀!