法式香草蕃茄芝士飽(湯種)
.jpg)
隻智慧牙痛咗幾日, 個人無晒心機, 醫生話要等隻牙消咗炎同無腫至剝得, 要成1,500蚊嫁, 骨隙都赤埋, 仟五蚊夠我買好多整餅嘅材料啦! 本來呢幾日都好想整包, 但係因為要開O.T.嘅原故, 所以無整到, 始終都要等到今晚 Happy Friday至有時間整, 都好嘅, 事關我焗完D麵包都成12點幾啦, 沖完個涼成點鐘, 好鬼夜 lu, 所以我依家眼瞓到燶, 好彩聽日唔駛返工啫, 好開心我嘅第一個湯種面包終於出世lu, 原本湯種面包係唔難整嘅, 不過我响整嘅時候又唔小心咁落多咗蛋嘅分量以至面團太濕, 所以攪咗兩個鐘至做第一次發酵, 真烏龍! 好彩焗咗出嚟都好軟熟! 好啦! 要瞓啦, 如果唔係虛火上升, 隻牙仲痛多幾錢重添!
P.S.特別鳴謝蛙蛙會長及其他會員嘅協助同鼓勵!
posted by 布冧仔 @ 3:40 am
5 Comments:
布冧仔好叻呀，你的努力終於有成果，可以吃到新鮮出焗自己親手做的麵包，個份滿足感係二三大元買唔到，小小失手，就會成為下次做出完美的動力，你要加油呀，我地會全力支持你:)
有隻小動物坐左井底等足成晚，可惜都係無新鮮包包食 :(
Sorry呀會長!要你等咗成晚真係唔好意思, 至多下次整得好d再請你食啦:)
講得出，就要做得到，唔係唔支持你架:) 祝你個個飽升，飽業進步啦．
我很ｌｉｋｅ你的包啊！ｗｈｙ你可以做得ｓｏ ｓｕｃｃｅｓｓ？！可不可以提供ｒｅｃｉｐｅ啊？ｔｈａｎｋ ｙｏｕ．．．好美．．．一定很美味吧？^^
Very pretty site! Keep working. thnx!
»
Post a Comment
<< Home