遲來的生日小派對

哈哈哈哈........好開心呀, 本來唔"C"服肚仔痛嘅我, 收到呢兩份禮物就連葯都唔駛食, 針又唔駛打都即刻醒神番晒, 勁呀, 好多謝蛋蛋, 八八, 大米(排名不分先後)佢地為咗遷就我, 唔想阻我同思樑哥哥正日慶祝生日, 特登延遲兩日至同我補祝, 仲要送我最鐘意嘅禮物同埋呢個芝麻豆腐Mousse Cake, 真係好感動, 講返個蛋糕先, 個蛋糕係妹子捱咗成晚通宵至整好嘅傑作, 味道清香又不太甜, 芝麻同豆腐嘅味道同顏色又夾, 加上d裝飾又靚又夠創意, 真係要比10個叻佢至得, 唉, 慘啦! 我一邊食就一邊諗, 第日到佢地生日嘅時候我驚我整唔到"槓"有水準嘅蛋糕送比佢地呀, 依家嘅我何止有壓力, 直頭係好大壓力呀, 我睇我都係負責食算啦!Hehe!正當我發緊夢之際, 八八突然又拎出一份我好鐘意嘅野出嚟送比我, 登登登登...就係一幅曬大咗嘅結婚相啦, 好鐘意呀! 真係多謝晒咁多位呀! 响結婚同埋生日呢兩件盛事之後(哈哈), 我覺得自己好幸運, 好幸福, 因為圍繞住我身邊嘅親人, 朋友同埋同事都好錫我, 好照顧我, 每逢我有問題發生, 都會有好多人幫我解決問題, 我想我真係要好好珍惜我呢一份福氣, 希望我呢一份福氣可以延續落去!! ( ^-^)