花之頌
今朝一早打番屋企, 點知係老竇聽電話, 原來佢出咗院啦, 醫生幫佢檢查過大致上冇乜大礙, 不過驗血報告就仲未出, 但係佢依家可以出得院, 個心都定番D, 所以今晚可以專心去學唧花啦! 今晚Andrew師傅教我地整嘅"花之頌"主要係教唧花嘅技巧, 正所謂工多藝熟, 原本師傅整兩三吓手勢就攪掂嘅花花, 我足足要整成個鐘先至整好, 而且仲唔多滿意添, 睇嚟要練習多D至得啦! 今晚上堂得三個人咋, 唔知係唔係呢個原故, 所以師傅冇乜心機咁! 唔怪之得佢呢輪冇乜上去DIY個Forum度留言啦!( c _ c")
我就係用呢兩個唧咀唧玫瑰花嫁啦!
posted by 布冧仔 @ 11:08 pm
18 Comments:
你都吾滿意,幾好呀幾似花,味度吾知點呢???
你爸爸乜原因入院呀? 叫他小心身體丫, 尤其開始轉天氣，好容易凍親ga! 衰婆，下次學裝飾or 整花其記得與我呀! ^_^
整得好好,好靚呀,幾時教我呀師父?
八掛妹, 多謝你嘅關心, 我阿爸唔乖唔戒口攪到血壓高得滯, 冇事嫁啦!
井井, 你唔好玩啦, 你整包咁叻, 你先係師傅!
ty, 其實個蛋糕裡面有芒果嫁, 應該幾好食, 不過食嗰陣時要整走d cream先至得, 如果唔係實肥死!係啦! 你打呢段字打咗幾耐呀? 真係辛苦晒你啦!HeHe!
如果這個送俾女朋友，真係連買花都可摼番！d花真係好靚！讚！唔知味道如何呢？繼續努力！
發記,個蛋糕我未食唔知好唔好味, 不過應該ok嘅, 如果你想送呢個cake比女朋友唔係問題, 最多我免費教你整又點話呀, 不過你最好都係先識番個女朋友至講啦!(^o^),
Elsa, 你唔好笑我啦, 如果你學識之後, 我相信你會唧得靚過我多多聲, 睇你整嘅自家作品就知啦!
你扎花好靚呀！好似ｒｅａｌ 花！^^你ｄａｄ一定有你這孝順女好閞心～你果ｃａｋｅ點做ｇａ？請賜教！ｔｈｘ＾＾
??can you teach me??
Ruby,ok我可以教你,不過你先要買咗兩個合適嘅咀先得!
布 仔，ｗｈｅｒｅ ｄｉｄ ｙｏｕ ｌｅａｒｎ ｔｈｉｓ ｃａｋｅ？那兒是否可以有食譜（ｎｏｔcake)拿回家??價錢合理嗎?
THX咁係边款 咀呀？我唔識ｇａ
咁係边款 咀呀？我唔識ｇａ
我POST嗰幅相嗰兩個就係嫁啦, 好多地方都有嫁!
我問左朋友借啦，你可以講啦！
ruby, 首先你將尖向上, 肥嘅向下, 然後用飲管做花芯, 跟住由左向右唧一圈先, 記住係要唧得高過枝飲管嘅頭至得, 最後就一瓣一瓣叠住唧咁就得嫁啦!
我想問蛋糕內有什麼餡＆有ｒｅｃｉｐｅ嗎？
thz
Post a Comment
<< Home