Raspberry Jelly Chocolate Mousse Dome
既然係好朋友William生日就當然要整個cake賀一賀, 但是整這個cake是非常有壓力的, 事關這位壽星公是一名名副其實的佰彈斎主, 所有經他品嚐過的食物, 例必有彈無讚, 嚴重咀剔, 本來不打算整, 誰知Jimmy一個電話打來說無論如何也要做一個, 當時心想著: 死啦, 真係要整呀? 呢次整咩好呢? 算啦, 死就死啦, 雖然有壓力, 但點都要解決! 最後決定整最易整嘅chocolate mousse cake, 為免太單調, 中間加了一層raspberry jelly等大家不會覺得太漏, 本來成個過程都很順利, 直至到淋朱古力面時, 意外才發生, 因這朱古力淋面的材料是需要加入可可粉, 但我家的可可粉原來已過期我仍蒙然不知, 而且還要在淋面之後我才發現, 為時已晚, 唯有叫大家食時刮走朱古力淋面才食, 但他們最後也照食沒有理會, 就這件事之後, 我已將家裡所有材料徹底檢查, 且已將全部過期材料丟掉, 所以朋友們, 你們請放心吧, 以後不會再有同類事情發生了!Hehe!
posted by 布冧仔 @ 6:05 pm
21 Comments:
蛋糕好正好吸引, 見到都想食勒, 我好鐘意rasberry架, 唔好意思, 最近比較忙, 12月9號應該唔報住勒, 希望下次有機會一齊學丫, 期待你既製成品啊
邊個ge生日cake? 我未到ga
真係...好靚好靚, 塊葉裝飾都係自己整架 ?
泡泡茶, 唔緊要啦, 大把機會, 下次你有咩course想上, 記住叫埋我地!
八八, 唔係呀化, 咁早整定? 送比你都唔好食啦!
Zero, 塊葉係自己整嫁, 不過好易嫁咋, 下次一齊整呀, 其實好彩有塊葉遮吓醜咋, 如果唔係個蛋糕就真係醜死人lu!
好得吖~ 正正正~
個淋面朱古力做得不錯啊~
朱古力始終都係最吸引既美食~
冧冧, 雖然你已經清咗d舊貨，但係你都會再入新貨架麻.....所以你以後要每次都整多d，最多我地幫口食，如果唔係不會過期架啦~ hehehe
小堡主, 你真係好啦, 肯冒生命危險做我的白老鼠, 真夠朋友, 一於預埋你!
布冧仔
個裝飾好靚呀！字也寫得好好！
藍藍
但今日都係我ge william生日喎!
哈哈哈...你最後向屋企搵返幾多過期貨出來?過咗最長時間嘅有幾耐?
藍藍, 其實D裝飾唔係好靚咋, 事關我影得唔係咁清晰, 所以係錯覺嚟嫁咋:P
八八, 乜你個威廉王子今日生日呀, 咁你幫我同佢講祝佢生日快樂呀, 不過我呢個威廉就係16號至係正日呀!
Shirley, 數埋都有幾樣野過咗期, 除咗可可粉之外, 還有吉士粉半包, oreo餅底碎半包, 椰絲1整包, 榛子半包, 泡打粉半包, 最長嘅時間係半年, 嚇死人lu!
Vanlily, 係嫁, 因為有時我會睇錯日子都唔知, 好鬼矇嫁我, 唔準笑人嫁, 再笑下次又整D過期野你食嫁!( 一_一")
我係7-eLeven生日嫁, 你一定記得啦, 咁易記, 咁你呢, 係唔係12號呀?
勁呀！家姐！隨便出手都整得咁好！再比心機Ｄ真係不得了呀！
點不得了法？
睇下我家姐整比我個「花花世界蛋糕」咪知有幾不得了囉！
Hehe~~~~~~~
死妹丁呀, 做咩咁夜仲唔瞓, 係咪要打打打! 唔係好得嫁咋, 你整果比我果個仲得啦, 唔好再偷懶啦, 就嚟聖誕啦, 快D整番個應節嘅蛋糕嚟食吓先!
o衣!?係喎，o個Ｄ聖誕朱古力屋好似係妳耍家野o黎過喎! 唔講都唔記得o忝! 家姐，聖誕節整返個來咬o下o丫！唔該！
蛋蛋, 你咁鬼好記性嘅, 仲記得呢個片段, 真係笑死咗! 你又想咬咩? 好呀, 咁我咪整個比你囉, 不過你要食晒佢嫁!
Vanlily, 我地可以去麥記攪生日都得喎, hehe!
係呀，仲記得呀！～～「乜食得O既咩？」跟住隨手就搣一塊咬落去。哈哈哈！！！！
Vanlily：
係呀，你咪同我家姐一齊o係麥記擺返幾圍囉，到時記得比帖請埋我喎!
帖上記得寫「五時恭候，八時入席，十時都無得食。」喎！
個蛋糕好靚，我都快生日啦，可以做個給我嗎？ Hehe
我成日同自己講，日日都是生日天，咁係唔係我都會有一個???
monique, 如果你唔怕難食, 我當然可以做一個送給你, 但我怕速遞到你處已變壞了!
Wendy, 整比你食就緊係得啦, 之不過日日整就.....
raspberry + chocolate我好鍾意架! Dome蛋糕好難做的,你真的做得好靚喇已經!! 好吸引呀,流晒口水添^^
jenzzz, 多謝你嘅讚賞, 我下次會再整好d嫁啦!
Post a Comment
<< Home