Plum's Baking Studio

Sunday, July 30, 2006

自製豬肉乾
















其實上個禮拜已經整過一次嫁啦, 不過因為摝得唔夠薄, 攪到焗完出嚟好似成塊肉餅咁, 吸收咗上次嘅經驗之後, 今次識得摝薄d啦, 最後一斤豬肉可以焗到3大塊14吋 x 12吋, 都只不過係22蚊咋, 好過响味X香度買, 一磅要成100蚊呀, 好貴呀! =_=

Comment 內附食譜

Friday, July 28, 2006

麵包課第一堂之方包, 芝麻包 & 芝士蒜茸包





















終於等到呢一日啦, 帶住無比興奮嘅心情同八八去上堂, 教我地嘅阿sir講野仲鬼死咁攪笑, 好有幽默感, 一d都唔悶, 初頭我都担心初班會好悶, 好彩上咗第一堂之後已經覺得自己無報錯, 事關阿sir都教得好好, 而且仲有問必答添, 理論同實集兩樣都有, 話咁快3個鐘上堂嘅時間已經過去, 係時候要帶d包包番屋企啦! 下堂再見啦!

Wednesday, July 26, 2006

Malakoff Charlotte





















學整呢款蛋糕其實唔難, 最難係用朱古力嚟整嘅呢座城堡, 因為要過幾關, 是但一關過唔到都會全軍覆沒, 所以整嘅時候就一路做一路驚, 雖然最後都順利咁完成, 但係呢座城堡最後都難逃厄運, 事關被我班黃虫同事一陣就將佢夷為平地lu, 哈哈!!

p.s.响呢度要同今個月生日嘅兩位獅子座同事"玲姐"同埋"小思思"再講聲生日快樂! :)

Sunday, July 23, 2006

Mocha脆脆凍



















响34度嘅氣溫底下做呢個蛋糕裝飾確實有d難度, d朱古力難凝固不特止, 之後仲要冒險拎出街搭成個鐘頭車程至去到目的地, 心諗個蛋糕去到一定面目全非, 好彩Billy醒目, 識得楂車join埋我, 如果唔係後果就不憾設想啦!! 至於個蛋糕係用剩餘有限嘅朱古力做裝飾, 所以圍邊有d一岩一忽嘅感覺, 而且個餅底焗過籠較為乾身咗d, 所以口感一般, 好彩d mousse都 ok, 不過整體嚟講我認為唔合格, 有待改進, 要多d練習至得啦! 其實呢個蛋糕係為咗歡送Jenny返美國而特登整比佢食嘅, 所以整到咁肉酸, 我覺得唔係幾好意思, 希望佢唔好介意啦, 响呢度順便同佢講一聲"一路逆風"啦, 掛住我地嘅時候就上嚟MSN add我地啦!!

Wednesday, July 19, 2006

生日禮物圖檻



















呢D全部都係我今年收到嘅生日禮物, 好開心呀, 份份好都好鐘意, 睇得出買禮物嘅人係花咗唔小心思, 有我最鐘意嘅大鼻同埋鋼牙相簿+T Shirt, 一對星型狀嘅鑽石耳環, 仲有就係我嘅新拍擋萬能攪拌器啦, 淨係睇相都已經開心死啦, 所以我要响度再同佢地講聲多謝至得!! 多謝晒呀各位!! ( ^0^)

Tuesday, July 18, 2006

桂花果凍+玉桂甜圈
















太耐無焗麵包, 所以有d手忙腳亂, 好彩有個新拍擋幫手, 如果唔係聽朝都未有得食呀, 哈哈!

















魚仔就緊係要用魚圖案嘅碟載至襯啦!! 咁啱我honey打完羽毛球返到嚟, d果凍已經凝固晒, 咪即刻整件過佢歎囉, 不過我覺得佢食得太快啦, 都無嗒真d味道就吞, 蹝晒!! 

Thursday, July 13, 2006

遲來的生日小派對

















哈哈哈哈........好開心呀, 本來唔"C"服肚仔痛嘅我, 收到呢兩份禮物就連葯都唔駛食, 針又唔駛打都即刻醒神番晒, 勁呀, 好多謝蛋蛋, 八八, 大米(排名不分先後)佢地為咗遷就我, 唔想阻我同思樑哥哥正日慶祝生日, 特登延遲兩日至同我補祝, 仲要送我最鐘意嘅禮物同埋呢個芝麻豆腐Mousse Cake, 真係好感動, 講返個蛋糕先, 個蛋糕係妹子捱咗成晚通宵至整好嘅傑作, 味道清香又不太甜, 芝麻同豆腐嘅味道同顏色又夾, 加上d裝飾又靚又夠創意, 真係要比10個叻佢至得, 唉, 慘啦! 我一邊食就一邊諗, 第日到佢地生日嘅時候我驚我整唔到"槓"有水準嘅蛋糕送比佢地呀, 依家嘅我何止有壓力, 直頭係好大壓力呀, 我睇我都係負責食算啦!Hehe!正當我發緊夢之際, 八八突然又拎出一份我好鐘意嘅野出嚟送比我, 登登登登...就係一幅曬大咗嘅結婚相啦, 好鐘意呀! 真係多謝晒咁多位呀! 响結婚同埋生日呢兩件盛事之後(哈哈), 我覺得自己好幸運, 好幸福, 因為圍繞住我身邊嘅親人, 朋友同埋同事都好錫我, 好照顧我, 每逢我有問題發生, 都會有好多人幫我解決問題, 我想我真係要好好珍惜我呢一份福氣, 希望我呢一份福氣可以延續落去!! ( ^-^)